حلم جميل "سكر نبات "

حلم وطرحة بيضة ولمسة من ايد..وحضم امان وضحكة من بعيد..بسمة على وشوش وفستان منفوش..حلم بلون ابيض زى النجم العالى فى قلب كل بنت منقوش .
قد تتشابة تفاصيله وتختلف حقيقته..احيانا يصدم واحيانا يبنى لتمتزج افكار اليأس بالامل .
من انا وما هو حلمى..من انا ومن هو حبيبى..من انا ومن هو نصيبى ؟!!....هل سيكونوا واحدا ام سيصدم تفكيرى ؟!


احلام فتاة تكاد عينيها من البراءة تضىء ليلمع بداخلهم شوق لذلك الاحساس ولكن الخوف يكسره حتى وان استطاع احد بالفعل تحريك ذلك القلب ليجعل دقاته اعلى .


هل اكسر ذلك الحاجز واستسلم لدقات قلبى ام ابتعد حتى ينسينى الوقت حبى وشوقى ؟!
وبغير قصد تسقط عيناها على عينيه لتظل هكذا وتلك الافكار بداخلها تدور بدون توقف...هل سيشعر؟..هل سيرانى؟..هل وهل..وسؤال يطرح سؤال والاجابة مجهولة .
وكلما لمحتنى عينيه اسقطت نظرى لاسفل حتى لايرى خجلى وحبى رغم ان وجنتى يكادا يصبحان بلون الورد..لاسمعهم يتهامسون ويتسائلون " انتى حبيتى ولا ايه يا بنتى ؟!! " لتكون اجابتى صمتا وعشقا يمتزج بالخوف..اخاف ان يعرف فيقترب منى فأكسر ذلك الحاجز الذى لطالما بنيته بينى وبين غيرى..اخاف ان يفقد شعوره فأصبح وحيدة لأسمعهم يتهامسون باسمى مصحوبا بلقب " دى صاحبتة القديمة " ويكون ذلك الحاجز الذى لطالما حافظت عليه قد كسر فأصبح هشه او ربما اقوى ولكنى رغم ذلك لن استطيع ولا اريد ان تسقط عينى عنه .
الاحظه فى ابتسامته..ضحكتة..حتى فى مشيته..احزن اذا لم اجده امامى حتى وان لم يلاحظنى..فتكفينى رؤيته .
هل سأظل هكذا وقتا طويلا..ام سيصدمنى الواقع ويغر احداث حلمى ليصبح هناك حبيبى وزوجى..ام سيكون هو هما معا ؟!!
لاأعلم ان اكنت اضع قلبى فى حيرة يرفضها عقلى..فعقلى يرفضها لان اليأس واقعه بينما قلبى على استعداد للتضحية حبا فى الامل..ياربى ارجوك ساعدنى .
يا ليتنى استطيع معرفة شعورة نحوى وهل سيظل للأبد مثلى ام سيدق الملل بابه او ربما تكون نظراته عطفا وشفقة لانه مرتبطا بغيرى .
لا اعلم متى ساعرف ولا اين ولا اعلم ان كنت اريد او حتى استطيع التوقف عن النظر..لا اعلم ان كان سيصبح نصيبى او حبيبى او ربما شخص عابر فى حياتى ذهب طى النسيان غير مباليا بقلبى قائلا اسف لم يكن هذا الاوان .


لاتقلق يا قلبى..لن اجرحك ولن اخسر كرامتى فسأنتظر كلماته الاولى ليقولها لى "انتى حبيبتى" . اعرف انى لن استطيع نكران حبى وكذلك لن استطيع فقدان نفسى..سأنتظر حتى يأتى أميرى وان لم يكن هذا هو الاوان لذلك فهذا قدرى وساعرف يوما انه هناك من هو افضل وأقرب الى قلبى ولكن اوانه لم يات بعد ليمتلك حبى .

بكره تلاقى غيرى وغيرى هيلاقى غيرك

مش عارفه ليه وصلنا للدرجة دى..مش عارفه ليه وقفت واستنيته يخلص كلامه وقلبى راضى
يمكن عشان مستينه يندم ويقولى انا اسف انا جرحتك ومش هكررها المره دى..
يمكن عشان نفسى اسمعها منه قبل مايفرق القدر مابينا ويقولى بحبك قد الدنيا دى
معرفش ليه وازاى وقفت يومها واستنيت..معرفش ليه وازاى منطقش لسانى وقلت امشى او حتى بعيد جريت
يمكن عشان كان نفسى المح عينيه من بعيد واقوله مترجعش تانى ونفس الموال تعيد
.
وفضلت ليالى ندمانه على سكوتى وضعفى مش على كلمه خرجت منه وجرحت قلبى بسكينه حديد
ياريت الايام ترجع تانى وانا هبقى اقوى اكيد..نفسى اقولها له..انت من غيرى ولا تسوى اكيد
وفى عز ضعفى ضحكت ورديت..انتى اكيد بتهزر  يا حبيبى  بس هزارك شكله هيتقل ويزيد
بص لتحت ورد عليا وقالى انتهينا خلاص اصل الظروف حكمت واتاريه كان ناوى وانا من كتر براءتى بكيت 
معرفتش ارد اصل الى كان مابينا دا كان اكتر من حب اكيد..حسيت وياه بالدنيا ومافيها وهموم الدنيا كان ويايا بيمحيها..ونزلت دموعى لما افتكرت كلامه عنى وانى الحلم الى قاد فى قلبه الحياه والى قالى ياريتك تكمليها
..
وسالت نفسى هى الظروف قاسية  للدرجة دى ولا انت يا قلبى مش قادر تتحدى وتجاريها..خايفة اقولك ارجع فى كلامك تجرحنى تانى والمره دى اكيد مش هاعديها..خلص كلامه ومشى وفضلت وحدى والافكار بدور فى قلبى وعقلى ودموعى مش عارفه اداريها
.
جاى لى تانى وعايزنى اقولك انا مسمحاك..طب ليه وعلى ايه جرح قلبى وليالى عدت فيها بنساك
انا النهارده مع اعتذارى بس تانى مش هسمع..جاى بعد ايه يا حبيبى وعايز تركع ولا تكون فاكر ان كلامك عنى وحبك لسه فى قلبى بيوجع..انا النهارده بقولك روح وسيبنى..
دور و يمكن بكره تلاقى غيرى وغيرى هيلاقى غيرك..بس حياتى النهاده كامله وياريتك تدور يمكن تلاقى حبيبك .

انا قررت ..

هو انا ليه دايما بقف على خطوه..ليه دايما بجى واقول لا مش هينفع اكمل مع انى هاعرف اكمل حتى لو وقعت هاعرف اقف تانى واكمل الى انا عايزه

انا مش هوقف حياتى تانى ومش هارجع لورا تانى..مش عشان انا بصيت لورا وغلطت مره ارجع واقول لا خلاص انا وقعت
طب ماهو طبيعى انى اقع..ماهو دا المفروض عشان اتعلم واعرف اقف تانى اقوى من الاول..اكيد ربنا عارف انى هاقف تانى وهاقف اقوى من الاول كمان يبقى ازاى انا مش مؤمن بدا..مش مؤمن انى من جوايا اقدر احقق المستحيل ازاى ابقى مش عارف ان دا اختبار منه وان مش الهدف منه انى انجح واكمل طريقى فى خط مستقيم بالعكس انا كان لازم اقع عشان اتعلم واقدر اشوف طريقى صح

قلب كل واحد فينا قادر انه يحقق المستحيل بكلمه..بحركه..برسمه..بحرف..بابتسامه حتى.دايما حلمك بيكون قدامك بس الذكى الى يعرف طريقه صح للحلم دا ..مش لازم تكون الاول الى يوصل للحلم بس المهم انك توصل..وقتك ملكك انت وانت الوحيد الى بتتحكم فيه محدش غيرك بعد ربنا طبعا..عقلك دا كنز مهما قالوا عنك..انت الوحيد الى بتقرر مدى ذكاءك ومش معنى الذكاء انك تحل 150 مساله رياضيه فى وقت واحد بس ذكاءك فى قدرتك على انك تفهم عقلك وتعرف ازاى تقدر توصل بيه للنجوم..للقمر..وتعدى الفضا لمكان ملهوش حدود غيرك انت وبس..توصل بيه لحدود القناعه..توصل بيه لمدينه مفيش فيها غيرك انت..غير بسمتك وضحكتك وقلبك ..غير ذكاءك وطموحك واحلامك

بيقولوا "محدش بيقلل من قدرك الا لو انت سمحت له بكده "..حلمك فى قلبك انت..فى عقلك..فى روحك..فى كل جزء منك حتى لو شعره ..قلبك كنز يتمنى غيرك ولو جوهره منه ..حافظ عليه وعيش حياتك صح..اضحك وابتسم وخلى كل يوم فى عمرك بسمه ونجم عالى يتمنى غيرك الوصول ليه..عيش كل ساعه..كل دقيقه..كل ثانيه..كل لحظه ..عيش حياتك زى ما انت عايزها ولو وقعت اعرف ان حلمك قرب مش بعد وانك هتقدر تقوم تانى وتكسر كل الحواجز وتفتح عينك على حياه جديده انت الى رسمها بنفسك.

بكرة احلى....

بلاش النهاردة

بلاش النهارده !!

ضحكه وابتسامه وهزار رايح وهزار جاى..واضحك كل يوم وانا فعلا بضحك بس بضحك على نفسى
ابتسم لدا واهزر مع دا..اصل الكابه دا طبع وحش والحزن كمان ..
ولما تكون لوحدك بتشيل هموم الكون..ازاى وليه متعرفش!!..وتلاقى روحك وكانها محبوسه فى سجن من غير سجان .
وتبدأ تعيد اليوم من اوله لاخره وتقول انا غلطت هنا وانا هنا كنت فرحان بس بنرجع ونلاقى همومنا اكتر من سعادتنا
وياريت لو فى حد فى دنيتنا يقدر يشيل عنا بس ما أنا عارف..مسيرى هضحك تانى زى الاول وهزر يا واد واتارينى بضحك على نفسى
وارجع واقول يعنى انا لوحدى ..طب ماغيرى كمان ضحك على نفسه...وارجع افكر بعد ما لقيت سبب مشكلتى
وانا هفضل كده على طول..اضحك وانا عارف ان همومى اكبر من اى ضحكه..طب واخرها يا واد ؟!!
وفى كل مره افكر فيها وانا لوحدى ابدا اعيد همومى تانى واقول يارب صبرنى وشيلها عنى وياريت لو اغنيه حزينه تشجعنى كمان على حزنى
وامشى فى طريقى وفجاه الاقى مصايب ناس قدام عيونى..ارجع افكر هو دا تحذير ولا حكمه من ربى القدير.
اصحى الصبح واقول ياترى هموت النهارده ولا دا مش يومى..وارجع احمد ربى انى مموتش وانا نايم واقول لا مش هيحصل
اركب عربيتى واقول ياترى هيحصل ايه وهو ممكن يكون دا يومى ونصيبى ولا مش هيحصل.
واعدى شوارع وبيوت وناس بتسلم وناس بتفوت..وارجع الاقى اليوم عدى وانا لسه بموت .
هى حياتى كامله ولا انا الى شايفها ناقصه..وابص حواليا والاقى ملايين بتجرى على رزقها..فتفكيرى يوقف واكمل يومى .
على سريرى افكر..تكونش متاجله لبعد ماتنام يا واد وتصحى تلاقيك فى قبرك والظلمه حواليك ومن كتر ضحكك بقى بيضحك عليك
يارب ماتكتبها ليه النهارده وسيبنى شويه..بكره هظبط حياتى وهصحح همومى بس بلاش النهارده وفجاه الاقى عينيا قفلت واحلامى بدات تعرض قدامى..وكانى فى سينما بس من غير ناس
واصحى على صوت ديك بيدن او منبه رزل او حتى رنه تليفون..وابدا افكر من جديد واعيد فى يومى واسال نفسى وتعبت من السؤال..اخره حزنى دا ايه واقول يارب ماتخليها النهارده  !!!!!